خوشاب (راجہ نورالہی عاطف سے)
ممبر صوبائی اسمبلی حلقہ پی پی 83 سردار ظفر عباس خان بلوچ نے بگھور ہاؤس جوہرآباد کا دورہ کیا، جہاں سابق صدر ڈسٹرکٹ بار ایسوسی ایشن خوشاب ملک طاہر رضا بگھور ایڈووکیٹ نے ان کا خیرمقدم کیا۔ اس موقع پر علاقے کی ممتاز سماجی و سیاسی شخصیات بھی موجود تھیں۔
دورانِ ملاقات باہمی دلچسپی کے امور، علاقائی سیاسی صورتحال، عوامی مسائل اور عوامی فلاح و بہبود کے منصوبوں کے حوالے سے تفصیلی تبادلۂ خیال کیا گیا۔ شرکاء نے اس امر پر زور دیا کہ علاقے کی ترقی، عوام کو بنیادی سہولیات کی فراہمی اور اجتماعی مسائل کے حل کے لیے مؤثر اور مربوط اقدامات ناگزیر ہیں۔
ملاقات کے دوران حلقہ پی پی 83 میں جاری ترقیاتی سرگرمیوں اور مستقبل میں عوامی مفاد کے مزید منصوبوں کے امکانات پر بھی گفتگو ہوئی۔ سردار ظفر عباس بلوچ اور ملک طاہر رضا بگھور ایڈووکیٹ نے اس عزم کا اظہار کیا کہ علاقے کی تعمیر و ترقی اور عوام کی فلاح و بہبود کو اولین ترجیح دیتے ہوئے ہر ممکن کردار ادا کیا جائے گا۔
ملاقات خوشگوار اور دوستانہ ماحول میں ہوئی، جس میں شرکاء نے علاقائی ترقی اور عوامی مسائل کے حل کے لیے باہمی تعاون کو مزید مؤثر بنانے پر اتفاق کیا۔