بلوچستان رحمت اللہ بلوچ بیوروچیف بے نقاب نیوز)
بلوچستان کے ضلع جھل مگسی میں جشنِ آزادی بھرپور قومی جوش و جذبے کے ساتھ منایا جا رہا ہے۔ مرکزی پرچم کشائی کی تقریب سرکٹ ہائوس گنداواہ میں منعقد ہوئی، جہاں ڈپٹی کمشنر جھل مگسی سید رحمت اللہ شاہ نے قومی پرچم لہرایا۔تقریب میں ونگ کمانڈر کرنل محمد عاصم، ایس پی رحمت اللہ درانی، اسسٹنٹ کمشنر گنداواہ محمد رمضان کرد ، لائن ڈپارٹمنٹس کے افسران، معتبرین، اساتذہ اور طلبا نے شرکت کی۔ ڈپٹی کمشنر جھل مگسی کی سربراہی میں ریلی بھی نکالی گئی اس موقع پر ملکی سلامتی، ترقی و خوشحالی اور قیامِ پاکستان کے مقاصد کی تکمیل کے لیے خصوصی دعائیں بھی کی گئیں۔ جشنِ آزادی کے سلسلے میں ضلع بھر میں مختلف تقریبات کا سلسلہ جاری ہے۔