سیالکوٹ۔سلیم احمد اعوان شیخو
یوم آزادی کے موقع پر ہیومین ویلفیئر آرگنائزیشن پاکستان کے زیر اہتمام ایک عظیم الشان ریلی نکالی گئی جس میں مذکورہ تنظیم کے عہدیداروں اور کارکنوں کی بہت بڑی تعداد سمیت شہریوں نے بھی کثیر تعداد میں شرکت کی۔ ریلی کے شرکاء نے ہا تھوں میں سبز ہلالی پرچم بلند کئے ہوئے تھے ہر طرف نعرہ تکبیر اللہ اکبر پاکستان زندہ باد افواج پاکستان زندہ باد کے نعروں کی صدائیں بلند ہو رہی تھیں یہ ریلی ضلع سیالکوٹ میں سب سے بڑی ریلی تھی ریلی کے شرکا سے خطاب کرتے ہوئے مزکورہ تنظیم کے چیئرمین شہزاد اکبر بٹ ایڈووکیٹ نے کہا کہ اج ہم کھلی فضا میں جو سانس لے رہے ہیں وہ ملک و قوم کے لئے جانوں کا نظرانہ پیش کرنے والوں کی بدولت ہے اج کی ہماری ریلی کا مقصد قوم کے ہیرو شہدائے وطن کی عظمت کو سلام پیش کرنا ہے پاکستان ہمیشہ زندہ باد اور یہ اللہ کے فضل سے قیامت تک قائم رہے گا پوری قوم افواج پاکستان کے ساتھ ہے جس بہادری سے اندرونی اور بیرونی دشمنوں سے افواج پاکستان لڑ رہی ہے اس کی کوئی نظیر نہیں ملتی قوم کو اپنی فوج پر فخر ہے ریلی شہر کے مختلف حصوں سے گزرتی ہوئی مذکورہ تنظیم کے مرکزی دفتر واقع راجہ روڈ پہنچی یہاں ریلی پاکستان کی سلامتی کی دعا کے ساتھ اختتام پزیر ہوئی۔