سیالکوٹ (سلیم احمد اعوان شیخو)لیبر کورٹ گوجرانولہ ڈویژن کے جج محمد رضوان کو ملازمت سے ریٹائر ہوئے 3 ماہ کا عرصہ ہو چکا ہے لیکن ان کی ریٹائرمنٹ کے بعد ابھی تک کسی بھی جج کی فاضل عدالت میں تعیناتی نہ ہو سکی ہے جبکہ جج کی تعیناتی نہ ہونے کی وجہ فاضل عدالت میں زیر سماعت سینکڑوں مقدمات التوا کا شکار ہیں اور جن سائلین کے مقدمہ التوا میں پڑے ہیں انھوں نے چیف جسٹس لاہور ہائی کورٹ عالیہ نیلم اور صوبائی سیکرٹری پنجاب لیبر ڈیپارٹمنٹ سے استدعا کی ہے کہ فاضل عدالت میں جج کی فی الفور تعیناتی کی جائے تاکہ التوا میں پڑے ہوئے مقدمات کی جلد سے جلد سماعت ہو سکے اور سائلین کو انصاف مل سکے۔واضع رہے کہ فاضل عدالت میں گوجرانولہ سمیت سیالکوٹ،نارووال،گجرات،حافظ آباد اور منڈی بہاوالدین کے سرکاری و نیم سرکاری محکموں و اداروں کے سائلین کے مقدمات زیر سماعت ہیں۔
