عدن: یمن کے جنوبی شہر عدن میں واقع صدارتی محل (معاشیق کمپلیکس) پر حوثی باغیوں کی جانب سے متعدد میزائل داغے گئے، جس کے نتیجے میں کم از کم 2 سکیورٹی اہلکار جاں بحق ہوگئے۔یمنی حکام نے واقعے کی تصدیق کرتے ہوئے بتایا ہے کہ حملے کے وقت صدارتی محل میں موجود یمنی وزیراعظم اور کابینہ کے دیگر تمام اراکین محفوظ رہے۔یمنی وزیرِ اطلاعات معمر الاریانی کے مطابق، حوثی ملیشیا نے صدارتی کمپلیکس کو نشانہ بناتے ہوئے مجموعی طور پر 5 میزائل داغے، جن سے املاک کو بھی نقصان پہنچا۔دوسری جانب، حوثیوں کے عسکری ترجمان یحییٰ سریع نے حملے کی ذمہ داری قبول کرتے ہوئے دعویٰ کیا ہے کہ انہوں نے کمپلیکس کے اندر قائم سعودی افسران کے زیرِ انتظام ایک ملٹری آپریشنز ہیڈکوارٹرز اور اسلحے کے ڈپو کو نشانہ بنایا ہے۔علاقے میں کشیدگی برقرار ہے اور سکیورٹی فورسز نے صورتحال کا جائزہ لینا شروع کر دیا ہے۔
یمن: صدارتی محل پر حوثی باغیوں کے میزائل حملے، 2 سکیورٹی اہلکار جاں بحق
