پسرور (محمد اشفاق بے نقاب نیوز )
ڈسکہ کے قریب ایک دلخراش ٹریفک حادثے میں موٹر سائیکل سلپ ہونے کے باعث پیچھے سے آنے والی ٹریکٹر ٹرالی کی زد میں آ کر دو سگی کمسن بہنیں جاں بحق ہو گئیں۔تفصیلات کے مطابق، گاؤں برج چیمہ کے قریب دو بہنیں موٹر سائیکل پر سوار ہو کر ڈسکہ شہر سے اپنے گاؤں واپس جا رہی تھیں۔ راستے میں ایک ٹریکٹر ٹرالی کو اوور ٹیک (کراس) کرتے ہوئے اچانک موٹر سائیکل سلپ ہو گئی، جس کے نتیجے میں دونوں بہنیں سڑک پر گر گئیں اور پیچھے سے آنے والی ٹریکٹر ٹرالی کی زد میں آ کر موقع پر ہی جاں بحق ہو گئیں۔
حادثے میں جاں بحق ہونے والی دونوں بہنوں کی شناخت اس طرح ہوئی ہے:منتہیٰ (عمر: 12 سال)منسیٰ (عمر: 14 سال)والد کا نام: عبدالمناف چیمہ رہائش: برج چیمہ،
ڈسکہ افسوسناک واقعے کی اطلاع ملتے ہی ریسکیو 1122 کی ٹیم فوری طور پر موقع پر پہنچی اور امدادی کارروائیاں کرتے ہوئے دونوں جاں بحق ہونے والی بچیوں کی لاشوں کو اسپتال منتقل کر دیا۔ریسکیو 1122 کے حکام نے ایک بار پھر شہریوں سے پرزور اپیل کی ہے کہ موٹر سائیکل پر سفر کے دوران ہمیشہ معیاری حفاظتی ہیلمٹ کا استعمال کریں اور ٹریفک قوانین کی مکمل پابندی کو یقینی بنائیں تاکہ اس طرح کے قیمتی جانی نقصانات سے بچا جا سکے۔
