"شہریوں کا تحفظ ہماری پہلی ترجیح”: ڈی آئی جی آپریشنز کا ماڈل ٹاؤن موڑ پر جوانوں،شہریوں کے ساتھ روزہ افطار،

لاہور: (ملک ظہیر)ڈی آئی جی آپریشنز فیصل کامران نے ماڈل ٹاؤن موڑ پرپولیس جوانوں کے ساتھ روزہ افطار کیا۔انہوں نے ناکہ پر تعینات جوانوں کو شاباش دی اورحوصلہ افزائی کی۔فیصل کامران نے کہا کہ سحر وافطار،نمازفرض و تراویح میں شہریوں کا تحفظ یقینی بنایا جارہاہے۔مارکیٹوں،بازاروں،شاپنگ مالز میں عوام کو بھرپورسکیورٹی فراہم کی جارہی ہے۔شہر کے داخلی وخارجی ناکوں پر بھی سخت چیکنگ کا عمل جاری ہے۔انہوں نے کہا کہ لاہور پولیس کے جوانوں کے حوصلے بلند ہیں۔ امن و امان کی فضاء برقرار رکھنے کیلئے تمام تر اقدامات عمل میں لائے جارہے ہیں۔خدمت کے جذبے سے سرشارپولیس جوانوں نے راہگیر موٹر سائیکل سواروں کو بھی روزہ افطار کروایا۔