ملتان (ملک جابر عبّاس سے)
ملتان کے مصروف ترین بوسن روڈ پر ٹریفک حادثات کا سلسلہ رک نہ سکا۔ تھانہ الپہ کی حدود میں جھونک وینس کے قریب وسیب ہوٹل کے مقام پر پیش آنے والے ایک اور واقعے میں 85 سالہ بزرگ شہری قادر بخش گاڑی کی ٹکر سے زخمی ہوگئے۔
حادثے کے فوری بعد اہلِ علاقہ نے ریسکیو 1122 کو اطلاع دی، جنہوں نے موقع پر پہنچ کر زخمی بزرگ کو طبی امداد کے لیے منتقل کیا۔بوسن روڈ پر پے در پے پیش آنے والے حادثات نے شہریوں کو شدید تشویش میں مبتلا کر دیا ہے۔ علاقہ مکینوں نے متعلقہ حکام سے پُرزور مطالبہ کیا ہے کہ اس اہم شاہراہ پر ٹریفک کی روانی، رفتار پر کنٹرول اور پیدل چلنے والوں کی حفاظت کے لیے فوری مؤثر اقدامات کیے جائیں تاکہ مزید قیمتی انسانی جانوں کو نقصان سے بچایا جا سکے۔