انسداد منشیات عدالت نے منشیات کی سپلائی کے مقدمے میں ملزمہ انمول عرف پنکی کے بھائی محمد ناصر کو اشتہاری قرار دے دیا، جبکہ شریک ملزمہ نسیم بی بی کے ناقابل ضمانت وارنٹ گرفتاری جاری کر دیئے۔
عدالت نے تفتیشی افسر کو نسیم بی بی کی گرفتاری یقینی بنانے اور آئندہ سماعت پر پیش کرنے کا حکم بھی دیا۔
رپورٹ کے مطابق انسداد منشیات عدالت میں انمول عرف پنکی، اس کے بھائی ناصر اور دیگر ملزمان کے خلاف منشیات کی سپلائی کے مقدمے کی سماعت ہوئی۔ جیل حکام نے ملزمہ انمول عرف پنکی کو ویڈیو لنک کے ذریعے عدالت میں پیش کیا۔ دوران سماعت شریک ملزمہ نسیم بی بی کی عدم حاضری پر عدالت نے برہمی کا اظہار کرتے ہوئے اس کے ناقابل ضمانت وارنٹ گرفتاری جاری کیے۔
