دیر بالا(بیورو چیف ریاض ابوالخیل )
ڈی پی او دیر بالا اسلم نواز (PSP) کی خصوصی ہدایات پر ٹریفک قوانین کی پابندی کرنے والے موٹرسائیکل سواروں کی حوصلہ افزائی کے لیے خصوصی انعامی اقدام شروع کر دیا گیا ہے۔
ہیلمٹ کا استعمال، درست کاغذات، ٹریفک قوانین کی مکمل پابندی اور محفوظ ڈرائیونگ کو یقینی بنانے والے موٹرسائیکل سواروں کی موقع پر حوصلہ افزائی کرتے ہوئے انہیں نقد انعامات سے نوازا گیا۔
ڈی پی او دیر بالا نے ٹریفک اہلکاروں کو شہریوں سے خوش اخلاقی سے پیش آنے اور چالان کرنے کے بجائے انہیں ٹریفک قوانین کی پابندی اور محفوظ ڈرائیونگ کے حوالے سے آگاہی دینے کی ہدایت کی ہے۔
شہریوں سے اپیل ہے کہ اپنی اور دوسروں کی جانوں کے تحفظ کے لیے ٹریفک قوانین کی پابندی کریں، ہیلمٹ کا استعمال یقینی بنائیں اور محفوظ سفر کو ترجیح دیں۔