ٹی ایم او ویسٹ مینجمنٹ کمپنی مانیٹرنگ کرنے سے قاصر۔ عوامی و سماجی حلقوں کا شدید احتجاج۔نوٹس لینے کا مطالبہ
علی پورچٹھہ(بیورو چیف)
علی پورچٹھہ سمیت تحصیل بھر میں صفائی کا نظام بدستور ابتر ہے۔ مختلف علاقوں میں گندگی کے ڈھیر، بروقت کوڑا اٹھانے میں مبینہ غفلت اور ناقص صفائی کے باعث تعفن پھیل رہا ہے جس سے شہریوں کو شدید مشکلات کا سامنا ہے۔ شہریوں کا کہنا ہے کہ ٹی ایم او ویسٹ مینجمنٹ کمپنی وزیرآباد دفتر تک محدود ہو کر رہ گئے ہیں۔ اور تاحال علی پورچٹھہ کی صفائی کی مجموعی صورتحال کا مؤثر جائزہ نہیں لیا گیا۔ ان کے مطابق اگر ستھرا پنجاب جیسے اہم حکومتی پروگرام کے باوجود شہری گندگی اور بدبو میں زندگی گزارنے پر مجبور ہیں تو اس کی نگرانی اور عملدرآمد کے نظام پر سوال اٹھنا فطری ہے۔گنجان آباد علاقوں میں کھلے پلاٹس میں پھینکا جا رہا ہے۔ عوامی و سماجی حلقوں نے کمشنر اور ڈپٹی کمشنر گوجرانوالہ اور ایم ڈی ویسٹ مینجمنٹ کمپنی سے فوری نوٹس لینے، علی پورچٹھہ میں صفائی کے نظام کا ہنگامی بنیادوں پر جائزہ لینے اور غفلت کے ذمہ دار افسران و اہلکاروں کے خلاف سخت محکمانہ کارروائی کا مطالبہ کیا ہے۔ اس بارے ٹی ایم او عادل سکندر سے رابطہ کرنے پر موقف دیا کہ ہم نے امپیریل گروپ کو ٹھیکہ دے دیا ہے ان کا کام ہے صفائی ستھرائی کرنا۔ میرے پاس 27 یونین کونسلز ہیں میں اکیلا بندہ ہوں میں نے کون سا علی پورچٹھہ جا کر مسجد میں اعلان کروانا ہے کہ میں وزٹ پر آیا ہوں۔ اگر کسی شہری کو کوئی مسلہ ہو تو وہ امپیریل گروپ کو شکایت کرے مجھے شکایت کرنے کا کوئی مقصد نہیں۔