خانیوال(اصغر علی جعفری نمائندہ بے نقاب نیوز)
کپس کالج خانیوال کے پرنسپل پروفیسر حافظ محمد شہباز میکن نے کہا ہے کہ “ثمر کیمپ” کا بنیادی مقصد طلباء و طالبات کی تعلیمی استعداد کو مزید نکھارنا، ان میں خود اعتمادی پیدا کرنا اور انہیں جدید دور کے تقاضوں سے ہم آہنگ کرنا ہے۔ ادارے میں نہ صرف نصابی سرگرمیوں پر خصوصی توجہ دی جاتی ہے بلکہ ہمہ جہت شخصیت سازی، اخلاقی تربیت، ذہنی نشوونما اور مثبت طرزِ فکر کی ترویج بھی ہماری ترجیحات میں شامل ہے۔
وہ سول سوسائٹی کے نمائندوں اور صحافیوں کے وفد سے بات چیت کر رہے تھے۔ انہوں نے کہا کہ کپس کالج میں جاری “ثمر کیمپ” انتہائی کامیابی کے ساتھ اپنے اہداف کی طرف گامزن ہے اور ہمیشہ کی طرح اس کے طلباء و طالبات کی تعلیمی، فکری اور شخصی صلاحیتوں پر دور رس اور مثبت اثرات مرتب ہوں گے۔
پروفیسر حافظ محمد شہباز میکن نے کہا کہ کپس کالج ہمیشہ معیاری تعلیم، بہترین تربیت اور جدید تدریسی تقاضوں کو مدنظر رکھتے ہوئے نوجوان نسل کی کردار سازی اور روشن مستقبل کے لیے کوشاں رہا ہے۔ ۔