پرانے ریڑھی بازار کی جگہ 34 دکانوں پر مشتمل ‘سہولت آن دی گو’ بازار پر کام برق رفتاری سے جاری

سیالکوٹ (سلیم احمد اعوان شیخو) سرکلر روڈ پر پرانے ریڑھی بازار کی جگہ 34 دکانوں پر مشتمل ‘سہولت آن دی گو’ بازار پر کام برق رفتاری سے جاری ہے اور اسے ایک ماہ تک مکمل کیا جائے گا۔ یہ بات اسسٹنٹ کمشنر سیالکوٹ صفدر شبیر نے بازار پر جاری کام کا جائزہ لیتے ہوئے کہی۔ انہوں نے کہا کہ ‘سہولت آن دی گو’ بازار وزیراعلی مریم نواز کا ایک عوامی سہولت پر مبنی منصوبہ ہے اور ان بازاروں میں تمام اشیاء سرکاری نرخوں پر میسر ہونگی اور ریڑھی بانوں کو قرعہ اندازی کے زریعہ پختہ اور خوبصورت دکانیں دی جائیں گی جہاں پر وہ باعزت طور پر روزگار کما سکیں گے۔ انہوں نے کہا کہ ‘سہولت آن دی گو’ بازار 27 شہروں میں قائم کئے جا رہے ہیں اور اس سے پہلے لاہور کے مختلف علاقوں میں یہ بازار فعال ہو چکے ہیں اور شہری یہاں پر خاصی دلچسپی سے خریداری کرتے ہیں۔ انہوں نے کہا کہ اس بازار میں ‘ڈرائیو تھرو’ کی سہولت بھی مہیا کئے جانے کا بھی جائزہ لیا جا رہا ہے۔