روس نے یوکرین کے جنوب مشرقی اہم شہر زاپوریزجھیا پر گائیڈڈ گلائیڈ بموں سے شدید فضائی حملے کیے ہیں، جن کے نتیجے میں کم از کم 15 افراد جاں بحق اور متعدد زخمی ہو گئے ہیں۔ یوکرینی حکام کے مطابق، حملے کے دوران پانچ طاقتور گائیڈڈ بم براہِ راست رہائشی عمارتوں اور اپارٹمنٹس پر گرائے گئے۔ ہلاک ہونے والوں میں 3 معصوم بچے بھی شامل ہیں جبکہ درجنوں رہائشی مکانات اور عمارتیں شدید متاثر یا تباہ ہوئی ہیں۔ واقعے کے بعد ریسکیو ٹیمیں اور سکیورٹی ادارے فوری طور پر جائے وقوعہ پر پہنچ گئے، جہاں امدادی کارروائیاں اور ملبہ ہٹانے کا کام جاری ہے۔ یوکرینی صدر ولادیمیر زیلنسکی نے اس حملے کی شدید مذمت کرتے ہوئے کہا ہے کہ ایسے حملوں کا منہ توڑ جواب دیا جائے گا۔
روس کا یوکرین پر ہلاکت خیز گلائیڈ بم حملہ: 3 بچوں سمیت 15 افراد جاں بحق
