وفاقی حکومت کا خیبر پختونخوا میں ایمرجنسی نافذ کرنے کا فیصلہ، کل کابینہ سے منظوری کا امکان

وفاقی حکومت کی جانب سے خیبر پختونخوا کے 12 اضلاع میں امن و امان کی بگڑتی ہوئی صورتحال کے پیش نظر ایمرجنسی نافذ کرنے کی تیاریاں کی جا رہی ہیں۔  مجوزہ فیصلے کے تناظر میں صوبائی حکومت کو باضابطہ طور پر پیغام پہنچا دیا گیا ہے۔  ذرائع کے مطابق اس فیصلے یا اس سے متعلقہ اقدامات کی باضابطہ منظوری وفاقی کابینہ سے لیے جانے کا امکان ہے۔ صوبے میں سکیورٹی کے چیلنجز اور امن و امان کی صورتحال کو اس ممکنہ فیصلے کی بنیادی وجہ قرار دیا جا رہا ہے۔