پسرور (محمد اشفاق)
تحصیل پسرور میں اینٹی کرپشن کی مسلسل بڑھتی ہوئی کارروائیوں اور چھاپوں کے پیشِ نظر مقامی انتظامیہ اور سرکاری محکموں میں شدید تشویش اور سراسیمگی پھیل گئی ہے۔
ریونیو ڈیپارٹمنٹ کے بعد اب میونسپل کمیٹی پسرور کے افسران اور اہلکار بھی کارروائی کے خوف سے دفاتر چھوڑ کر غائب ہو گئے ہیں، جس کے باعث بیشتر شعبوں کو تالے لگ چکے ہیں۔ چند ایک ملازمین کے علاوہ بیشتر سرکاری عملہ ڈیوٹی سے غیر حاضر ہے، جس کی وجہ سے سرکاری امور ٹھپ ہو کر رہ گئے ہیں اور سائلین کو شدید مشکلات کا سامنا کرنا پڑ رہا ہے۔