سکھر (رپورٹ: عبدالرحمان راجپوت)
ڈائریکٹر سول ڈیفنس سندھ ریاض حسین لغاری، کمشنر سکھر عابد سلیم قریشی اور ڈپٹی کمشنر سکھر نادر شہزاد خان کی ہدایات پر سول ڈیفنس وارڈن سروس کے تحت فائر سیفٹی ایس او پیز سے متعلق آگاہی مہم کے سلسلے میں باب الاسلام اسکول سکھر میں تربیتی ورکشاپ کا انعقاد کیا گیا۔
ورکشاپ کے دوران ڈپٹی چیف وارڈن ڈاکٹر سعید اعوان نے اساتذہ اور طلبہ کو آگ لگنے کی صورت میں محفوظ انخلاء، ابتدائی ردِعمل اور فائر ایکسٹنگوئشر کے استعمال کے بارے میں تفصیلی رہنمائی فراہم کی۔ انہوں نے "محفوظ اسکولز، مضبوط مستقبل” کے وژن کو اجاگر کرتے ہوئے تاکید کی کہ ہر اسکول میں کم از کم 2 فائر ایکسٹنگوئشرز اور الارم سسٹم لازمی نصب ہونے چاہئیں، جبکہ ہنگامی صورتحال سے نمٹنے کے لیے کم از کم 2 افراد کی باقاعدہ تربیت ضروری ہے۔
اس موقع پر اسکول کی پرنسپل اقراء خان، ایڈمنسٹریٹر محمد شعیب ویسر، ریسکیو انچارج لالا عمران میرانی، پی آر او شہاب حسین، حسنین معاویہ اور انور علی سندیلو بھی موجود تھے۔ تقریب کے اختتام پر فائر ایکسٹنگوئشر کے استعمال کا عملی مظاہرہ کیا گیا، جس پر اساتذہ اور طلبہ نے سول ڈیفنس سکھر کا شکریہ ادا کرتے ہوئے ان کی کاوشوں کو سراہا۔