اسلام آباد: سانحہ پمز کی انکوائری کے نتیجے میں معطل کیے جانے والے افسران کی معطلی کا باقاعدہ نوٹیفکیشن جاری کر دیا گیا، جبکہ ان کی جگہ نئے افسران بھی تعینات کر دیے گئے ہیں۔
نوٹیفکیشن کے مطابق نیشنل انسٹیٹیوٹ آف ہیلتھ کے چیف ایگزیکٹو ڈاکٹر محمد سلمان کو پمز کا نیا ایگزیکٹو ڈائریکٹر مقرر کیا گیا ہے۔
ڈاکٹر محمد سلمان نیشنل انسٹیٹیوٹ آف ہیلتھ کے چیف ایگزیکٹو کے عہدے کا اضافی چارج بھی سنبھالیں گے۔ ان کی تعیناتی ڈیپوٹیشن پر تین سال کے لیے کی گئی ہے۔
اس کے علاوہ پمز کے ای این ٹی ڈاکٹر الطاف کو جوائنٹ ایگزیکٹو ڈائریکٹر تعینات کر دیا گیا ہے۔ڈاکٹر الطاف حسین کو پمز کے جوائنٹ ایگزیکٹو ڈائریکٹر نان میڈیکل کا اضافی چارج دے دیا گیا
ڈاکٹر نزہت یاسمین کو جوائنٹ ایگزیکٹو ڈائریکٹر چلڈرن ہسپتال پمز کا اضافی چارج سونپ دیا گیاڈاکٹر شمائلہ کو شعبہ امراضِ نسواں کی پروفیسر و سربراہ کا موجودہ چارج دے دیا گیا
ڈاکٹر رحمانہ وارث کو ایسوسی ایٹ پروفیسر پیڈیاٹرکس چلڈرن ہسپتال کا موجودہ چارج دے دیا گیاڈاکٹر آمنہ کو شعبہ امراضِ نسواں ایم سی ایچ میں سینئر رجسٹرار کا موجودہ چارج دے دیا گیا
حسن اشرف کو اسسٹنٹ ڈائریکٹر سکیورٹی پمز کا اضافی چارج سونپ دیا گیا اس حوالے سے وزارتِ صحت نے نوٹیفکیشن جاری کردیا ہے۔
واضح رہے کہ گزشتہ روز وزیراعظم شہباز شریف نے پمز سانحے کے معاملے پر ہسپتال کے ایگزیکٹو ڈائریکٹر پروفیسر ڈاکٹر عمران سکندر سمیت 8 افسران کو معطل کرنے کی منظوری دی تھی۔
