ٹنڈوالہیار رپورٹ تیمور رضا قائم خانی۔
ڈپٹی کمشنر ٹنڈوالہیار نور مصطفیٰ لغاری کے احکامات پر ایڈیشنل ڈپٹی کمشنر ٹو صوبیہ عابد کی زیرِ صدارت ضلع ٹنڈوالہیار میں مامتا پروگرام کے حوالے سے ایک اہم اجلاس آج ڈپٹی کمشنر آفس میں منعقد ہوا۔ اجلاس میں ضلعی انچارج مامتا پروگرام ٹنڈوالہیار رخسانہ بکیرو اور دیگر متعلقہ محکموں کے افسران نے شرکت کی اجلاس میں مامتا پروگرام کے تحت جاری سرگرمیوں، مقررہ اہداف کے حصول، مستحق خواتین کو فراہم کی جانے والی سہولیات اور پروگرام کی مجموعی کارکردگی کا تفصیلی جائزہ لیا گیا۔ اجلاس کو بتایا گیا کہ ضلع ٹنڈوالہیار میں مامتا پروگرام کے تحت 50 ہزار سے زائد خواتین کا اندراج کیا جا چکا ہے، جبکہ خواتین کی جانب سے 3 لاکھ سے زائد درخواستیں اندراج کے لیے ریکارڈ کی گئی ہیں اجلاس میں بتایا گیا کہ پی پی ایچ آئی آر ایچ سی چمبڑ مامتا پروگرام پر عملدرآمد کرنے والے 22 اضلاع کی صحت کی سہولیات میں ٹاپ 10 میں شامل ہے۔ اجلاس میں اس کارکردگی کو سراہتے ہوئے پروگرام کی رسائی اور سہولیات کو مزید بہتر بنانے پر زور دیا گیا ایڈیشنل ڈپٹی کمشنر ٹو میڈم صوبیہ عابد نے متعلقہ افسران کو ہدایت کی کہ مامتا پروگرام کے دائرہ کار کو مزید مؤثر بنایا جائے اور رجسٹرڈ خواتین کو بروقت مالی و طبی سہولیات کی فراہمی یقینی بنائی جائے۔ انہوں نے کہا کہ تمام متعلقہ ادارے باہمی رابطے کو مضبوط بناتے ہوئے اپنی ذمہ داریاں احسن طریقے سے انجام دیں اجلاس میں بینک الفلاح سے متعلق مستحق خواتین کو ادائیگیوں میں ہونے والی کٹوتیوں کے مسائل کا بھی جائزہ لیا گیا۔ اس سلسلے میں فیصلہ کیا گیا کہ آئندہ ماہ ہونے والے اجلاس میں بینک الفلاح کی فرنچائزز کے مالکان کو مدعو کیا جائے گا تاکہ ادائیگیوں میں ہونے والی کٹوتیوں سے متعلق مستحق خواتین کے مسائل کو حل کیا جا سکے اجلاس میں یہ بھی فیصلہ کیا گیا کہ نادرا موبائل وین کی سہولت کے حصول کے لیے ڈپٹی کمشنر آفس کی جانب سے متعلقہ افراد کی فہرست اور سرکاری خط نادرا کو فراہم کیا جائے گا، جس کے بعد نادرا موبائل وین ضلع میں خدمات انجام دے گی۔ اس موقع پر این آر ایس پی کی جانب سے غیر قانونی ادائیگی کٹوتیوں کے حوالے سے عوام میں آگاہی پیدا کرنے کے لیے تعاون فراہم کرنے پر بھی اتفاق کیا گیا۔