راولپنڈی:پاک فوج کی جانب سے جاری آپریشن غضب للحق کے تحت افغان طالبان کی جارحیت کا منہ توڑ جواب دینے کے لیے زمینی اور فضائی مؤثر کارروائیاں جاری ہیں، اس دوران خوگانی بیس تباہ ہوگئی۔ سکیورٹی ذرائع کے مطابق پاک افواج نے افغان صوبے ننگرہار میں کامیاب فضائی کارروائی میں خوگانی بیس تباہ کردیا، فتنہ الخوارج اور افغان طالبان کو بلا اشتعال جارحیت کے بعد ہر محاذ پر بھرپور پسپائی کا سامنا ہے اور آپریشن غضب للحق تاحال جاری ہے جو اپنے اہداف حاصل ہونے تک جاری رہے گا اس دوران جلال آباد میں فضائی کارروائی میں ایمونیشن ڈیپو اور ڈرونز اسٹوریج کو تباہ کردیا گیا۔سکیورٹی ذرائع کی جانب سے بتایا گیا ہے کہ افغان طالبان کی جارحیت کے جواب میں پاک افواج کی مؤثر اور تباہ کن جوابی حملوں میں افغان طالبان اور فتنہ الخوارج کوبھاری نقصان کا سامنا ہے، سکیورٹی فورسز افغان طالبان رجیم کی جارحیت کا منہ توڑ جواب دینے کے لیے پر عزم ہیں۔
Pakistan Armed Forces successfully destroyed the Khogyani base in Afghanistan’s Nangarhar province during ongoing Operation Ghazab Lil Haq.#GhazabLilHaqq #PakistanForces #NangarharStrike #CounterTerrorism #PakistanTV #PakistanTVglobal pic.twitter.com/IvpDvduOuY
— Pakistan TV (@PakTVGlobal) March 3, 2026
یاد رہے رہے کہ جمعرات 26 فروری کی رات پاک افغان سرحد پر افغان طالبان کی جانب سے بلا اشتعال جارحیت کے جواب میں پاکستان کی مسلح افواج کا آپریشن غضب للحق جاری ہے جہاں پاک فوج نے افغانستان کی حدود کے اندر مختلف مقامات پر جوابی کارروائیاں کی ہیں، جن میں کابل، قندھار اور پکتیا سمیت دیگر مقامات پر موجود عسکری تنصیبات کو نشانہ بنایا اور کئی چیک پوسٹیں تباہ کردی گئیں، اب تک آپریشن غضب للحق کے تحت افغان طالبان رجیم کے 435 کارندے ہلاک اور 630 سے زائد زخمی ہیں، 188 پوسٹیں تباہ اور 31 پر قبضہ کرلیا گیا، 188 ٹینک و مسلح گاڑیاں تباہ کردی گئیں، 51 مقامات پر فضائی کارروائیوں میں اہداف کو نشانہ بنایا گیا