پلندری: ڈی جی آئی ایس پی آر لیفٹننٹ جنرل احمد شریف چودھری نے کیڈٹ کالج پلندری کا دورہ کیا۔ اس موقع پر اُن کی کالج کے طلباء اور اساتذہ سے ایک خصوصی نشست ہوئی۔
معرکہ حق میں بھارت کو ذلت آمیز شکست دینے پر شرکاء نے افواجِ پاکستان کو شاندار خراجِ تحسین پیش کیا۔ کالج کے طلباء اور اساتذہ نے مدلل اور مفصل جوابات پر ڈی جی آئی ایس پی آر کا شکریہ ادا کیا۔
پرنسپل کیڈٹ کالج پلندری کا کہنا تھا کہ ڈی جی آئی ایس پی آر کی گفتگو اور عزم نے ہمارے حوصلوں کو مزید تقویت دی ہے۔شرکاء کا کہنا تھا کہ بطور ذمہ دار شہری سوشل میڈیا کی خبروں پر تحقیق لازمی ہے۔ انہوں نے کہا کہ بھارت نے دوبارہ کسی جارحیت کی کوشش کی تو اسے ہزیمت اور رسوائی کا سامنا کرنا پڑے گا۔
شرکاء نے عزم کا اظہار کیا کہ بطور کشمیری ہمارا پختہ یقین ہے کہ کشمیر پاکستان کی شہ رگ ہے۔ پاکستان اور کشمیر ایک ہیں، ان کو کوئی طاقت جدا نہیں کر سکتی۔ قائد اعظم کے فرمان کے مطابق کشمیر پاکستان کا حصہ تھا، ہے اور رہے گا۔
شرکاء نے کہا کہ ڈی جی آئی ایس پی آر کی گفتگو سے دفاعِ وطن کے لیے پاک فوج کے کردار اور قربانیوں کو جاننے کا موقع ملا۔ کیڈٹ کالج پلندری کے پہلے شہید میجر رب نواز طارق کی عظیم قربانی پر فخر ہے۔ انہوں نے اس عزم کا اعادہ کیا کہ ہر طرح کی بھارتی جارحیت کے خلاف افواجِ پاکستان کے شانہ بشانہ کھڑے ہیں۔