پسرور (محمد اشفاق سے/ بے نقاب نیوز)
سیالکوٹ پسرور روڈ پر واقع گاؤں گنہ کلاں کے گورنمنٹ گرلز ہائی سکول میں تعمیراتی کام کے دوران ایک افسوسناک واقعہ پیش آیا ہے، جہاں کام میں مصروف نوجوان مزدور اچانک دل کا دورہ پڑنے کے باعث جاں بحق ہو گیا۔تفصیلات کے مطابق گنہ سٹاپ کا رہائشی نوجوان بلال گورنمنٹ گرلز ہائی سکول گنہ کلاں میں تعمیراتی کام کر رہا تھا کہ اچانک اس کی طبیعت شدید بگڑ گئی۔ دل کا دورہ پڑنے کے باعث نوجوان جانبر نہ ہو سکا اور خالقِ حقیقی سے جا ملا۔افسوسناک واقعے کے بعد علاقے میں سوگ کی فضا پھیل گئی، جبکہ میت کے پاس موجودگی کے باوجود دیگر مزدوروں کی جانب سے کام جاری رکھنے پر مقامی افراد نے شدید بے حسی پر افسوس کا اظہار کیا ہے۔