لاہور:آئی جی پنجاب عبدالکریم نے تصدیق کی ہے کہ عبداللہ طاہر قتل کیس میں شوٹرز کی گرفتاری کیلئے کوششیں جاری ہیں۔ عبداللہ طاہر قتل کیس میں ملوث شوٹرز خیبرپختونخوا فرار ہوئے، ان کے موجودہ ٹھکانوں کے بارے میں تاحال حتمی معلومات دستیاب نہیں۔ ملزمان کی گرفتاری کیلئے تفتیش اور قانونی کارروائی جاری ہے،
رپورٹ کے مطابق آئی جی پنجاب نے تصدیق کی ہے کہ عبداللہ طاہر قتل کیس کے شوٹرز خیبر پختونخوا فرار ہوئے ہیں اور ان کی گرفتاری کے لیے تفتیش اور قانونی کارروائی کا عمل تاحال جاری ہے۔ آئی جی پنجاب کے مطابق، کیس کی تفتیش مکمل میرٹ پر کی جا رہی ہے۔ ملزمان کی گرفتاری کے لیے پولیس کی خصوصی ٹیمیں متحرک ہیں، تاہم شوٹرز کے موجودہ ٹھکانوں کے بارے میں تاحال کوئی حتمی معلومات حاصل نہیں ہو سکیں۔ تفتیش کے دوران یہ بات سامنے آئی کہ قتل کی واردات انتہائی منظم منصوبہ بندی کے تحت کی گئی تھی۔ مقتول کی ریکی کے لیے بھاری رقم خرچ کر کے ڈرون کیمرے استعمال کیے گئے، جبکہ واردات میں استعمال ہونے والی موٹر سائیکل مرکزی ملزم زمان عرف کگی بٹ کے بھائی کے نام پر رجسٹرڈ تھی۔ ملزمان نے فرار کے لیے کرائے کی گاڑیوں اور جعلی نمبر پلیٹس کا استعمال بھی کیا تھا