کنری،نامہ نگار،
مبینہ حملے میں متاثرہ نوجوان کاملوث ملزمان کی گرفتاری اورسوشل میڈیاپرانکی کردارکشی کرنے والے افراد کیخلاف کاروائی کرنے کامطالبہ۔
تفصیلات کے مطابق علاقے کے معززخاندان سے تعلق رکھنے والے نوجوان ہمایوں ستارآرائیں نے اپنے دفترمیں پر یس کانفرنس کرتے ہوئے بتایا کہ چندروزقبل انکے گاؤں رسول آباد میں میگواڑ برادری کاآپس میں تکرارہوگیاتھا جسکا وہ فیصلہ کرنے میں مصروف تھے کہ اس دوران ڈنڈے کلہاڑی سے مسلح کوہلی برادری کے مردوخواتین کے ہجوم نے حملہ کرکے انکو شدید زخمی کردیا تھا واقعہ کے خلاف انہوں نے کنری تھانے پرپانچ معلوم اورچارنامعلوم افراد کیخلاف مقدمہ درج کرایا ہے،پولیس نے کاروائی کرتے ہو ئے حملے میں ملوث دوملزمان تلسی اوراجمل کوہلی کوگرفتارکرلیاہے جبکہ پولیس دیگرملزمان کوتلاش کررہی ہے انہوں نے بتایا کہ اب مقدمے سے دستبردار ہونے کیلئے انکے خلاف سوشل میڈیا پر جھوٹاو بے بنیاد الزامات مبنی پروپیگنڈا کیاجارہاہے اور انکی کردارکشی کی جارہی ہے انہوں نے کہا کہ وہ کاروباری اور بے حد شریف شخصیت ہیں،انکا تعلق علاقے کے معززترین خاندان سے جس نے علاقے کی تعمیروترقی امن وبھائی چارہ کے قیام کیلئے ہمیشہ اہم کردار اداکیا ہے جسکی گواہی علاقے کاہر فرد دیگا،انہوں نے حکام بالاسے حملہ میں ملوث دیگر ملزمان کی گرفتاری اورسوشل میڈیا پرانکی کردارکشی میں ملوث افراد کیخلاف کاروائی کرنیکا مطالبہ کیا ہے۔