سیالکوٹ (سلیم احمد اعوان شیخو)
سیالکوٹ کے علاقہ اگوکی ماڈل ٹاؤن میں 15 سالہ مدرسہ کا طالب علم درخت سے نیچے گر گیا اور اس کا ہاتھ گیٹ میں پھنس گیا۔بتایا گیا ہے کہ تھانہ آگوکی کے علاقہ اگوکی ماڈل ٹاؤن میں ایک لڑکا ذکریا ولد طاہر ندیم ایک جامن کے درخت سے جامن اتارتے ہوئے درخت سے نیچے گر گیا۔جس کے نتیجہ میں اس کا بازو گیٹ کی لوہے کی سلاخوں میں پھنس گیا۔
ریسکو 1122 کی ٹیم نے بروقت کارروائی کرتے ہوئے ماہرانہ طریقہ سے لوہے کی سلاخوں کا کاٹ کر نوجوان کے بازو کو بحفاظت سلاخوں سے باہر نکال لیا جبکہ ریسکو 1122 کی ٹیم نے بازو پر خراشیں وغیرہ آنے پر زکریا کو ابتدائی طبی امداد فراہم کی اور مزید علاج کے لئے گورنمنٹ علامہ اقبال میموریل ٹیچنگ ہسپتال منتقل کر دیا۔