بیجنگ: جہاں دنیا بھر کی بڑی کمپنیوں کے سربراہان قیمتی پروٹوکول، نجی طیاروں اور بلٹ پروف گاڑیوں کے بغیر گھر سے نہیں نکلتے، وہیں دنیا کی معروف ترین ای وی (EV) کمپنی BYD کے بانی اور سی ای او وانگ چوانفو (Wang Chuanfu) نے بیجنگ آٹو شو میں شرکت کے لیے ایک ایسا راستہ چنا جس کی کسی کو توقع نہ تھی۔
بیجنگ آٹو شو 2026 کے موقع پر وانگ چوانفو کو کسی لگژری کار کے بجائے بیجنگ سب وے کی ‘لائن 15’ میں عام شہریوں کے ساتھ سفر کرتے ہوئے دیکھا گیا۔ ہاتھ میں ایک عام سا بیگ تھامے، وہ کسی پروٹوکول کے بغیر خاموشی سے ٹرین میں کھڑے اپنی منزل کی جانب رواں دواں تھے۔
سوشل میڈیا پر صارفین اس تصویر کو "بہترین مارکیٹنگ” قرار دے رہے ہیں جس کے لیے کمپنی نے ایک روپیہ بھی خرچ نہیں کیا۔”جب آپ کی کمپنی دنیا کی سب سے بڑی گاڑیوں کی کمپنی بن جائے، تو آپ کو ثابت کرنے کے لیے کسی پروٹوکول کی ضرورت نہیں رہتی۔“