سیالکوٹ (سلیم احمد اعوان شیخو)
ڈپٹی کمشنر سیالکوٹ صباء اصغر علی نے بیوٹیفکیشن آف علامہ اقبال منزل اینڈ الائیڈ بازار، جما عت حانہ روڑ سیالکوٹ گورنمنٹ لیڈی اینڈرسن گرلز ہائیر سیکنڈری سکول کے باہر جاری ترقیاتی و خوبصورتی کے منصوبے کا تفصیلی دورہ کیا۔دورے کے دوران انہوں نے عمارتوں پر جاری پینٹنگ کے کام کا جائزہ لیا جبکہ ٹف ٹائلز کی تنصیب اور مجموعی معیار کا بھی معائنہ کیا۔ اس موقع پر متعلقہ افیسران نے منصوبے کی پیش رفت سے آگاہ کیا۔ ڈپٹی کمشنر نے ہدایت کی کہ تمام ترقیاتی کام اعلیٰ معیار کے مطابق، بروقت اور خوبصورت انداز میں مکمل کئے جائیں تاکہ شہر کی خوبصورتی میں مزید اضافہ ہو اور شہریوں کو ایک صاف منظم اور خوش گوار ماحول میسر آ سکے۔