( بیورو چیف کلیم اللہ چانڈیو )ٹھٹھہ
دو پولیس اہلکاروں عبدالمجید مری اور اکبر علی مری کی شہادت کے افسوسناک واقعے میں ملوث ملزمان کی گرفتاری اور ان کے سہولت کاروں کے خلاف جاری کریک ڈاؤن کے دوران ٹھٹہ پولیس نے اہم کارروائی کرتے ہوئے ملزمان کی سہولت کاری میں ملوث نظیر بروہی کی پناہگاہوں کو مسمار کر دیا۔پولیس تحقیقات کے مطابق نظیر بروہی نے پولیس اہلکاروں کے قتل میں ملوث ملزمان کو پناہ، معاونت اور دیگر سہولیات فراہم کیں۔شواہد کی بنیاد پر قانونی کارروائی عمل میں لاتے ہوئے اس کے زیرِ استعمال پناہگاہوں کو مسمار کیا گیا۔ایس ایس پی ٹھٹہ کی ہدایت پر شہید اہلکاروں کے خون کا حساب لینے اور واقعے میں ملوث ہر فرد کو قانون کے کٹہرے میں لانے کے لیے بھرپور کارروائیاں جاری ہیں نہ صرف مرکزی ملزمان بلکہ ان کے سہولت کاروں اور معاونین کے خلاف بھی بلاامتیاز قانونی کارروائی عمل میں لائی جائے گی۔