روم :مسیحیوں کے کیتھولک فرقے کے مذہبی پیشوا پوپ لیو نے کہا دنیا میں اس وقت کروڑوں افراد بھوکے ہیں اور عالمی رہنما دنیا کو جنگوں کے حوالے کرنے پر لگے ہوئے ہیں۔
پوپ لیو ماضی کے مسیحی پیشواؤں کے مقابلے میں انسانی حقوق اور انسانی معاملات پر کھل کر بات کرتے اور موقف پیش کرتے ہیں۔ وہ عالمی خوراک پروگرام کے ساتھ بات کر رہے تھے۔ انہوں نے کہا عالمی ترجیحات انسانوں کے لیے بری طرح متاثر ہو گئی ہیں۔ پوپ نے حالیہ مہینوں کے دوران حکومتوں پر زور دیا کہ بھوک اور افلاس کے خلاف اپنی کوششوں کو تیز کریں نہ کہ اپنے جیو پولیٹیکل جھگڑوں کی وجہ سے خوراک کے حوالے سے امدادی کارروائیوں کو محدود کر دیں۔
انہوں نے کہا بد قسمتی سے جنگوں کے لیے زیادہ وسائل خرچ کرنے کو تیار نظر آتے ہیں جبکہ لوگ بھوک سے متاثر ہو رہے ہیں۔ خیال رہے انسانوں کو درپیش بھوک اور افلاس کے ان مسائل کے دوران وہ پہلے پوپ ہیں جنہوں نے روم میں عالمی خوراک پروگرام کے ہیڈ کوارٹرز کا دورہ کیا ہے۔
پوپ نے خوراک فراہمی کے مسائل کا ذکرکرتے ہوئے کہا یہ اس لیے نہیں ہے کہ متعلقین کو اپنے آپریشنز میں مشکلات کا سامنا ہے بلکہ اصل مسئلہ ان بنیادی وجوہات کا ہے جو انسانی و اخلاقی اقدار اور سیاسی ترجیحات و مفادات کے توازن کو بگاڑ چکی ہیں۔
خیال رہے عالمی خوراک پروگرام دنیا بھر میں خوراک فراہمی کا سب سے بڑا ادارہ ہے۔ اس کے بڑے ڈونر ملکوں میں امریکہ بھی شامل ہے۔
