گرلز ہائی سکول کے مین گیٹ کے باہر قربانی کی آلائشوں اور گندگی کا ڈھیر

سیالکوٹ (سلیم احمد اعوان شیخو) گورنمنٹ گرلز ہائی سکول کے بالکل مین گیٹ کے باہر قربانی کی آلائشوں اور گندگی کا ڈھیر لگا ہوا ہے۔ایک طرف حکومت کی جانب سے ستھرا پنجاب کے بڑے بڑے دعوے کئے جا رہے ہیں اور دوسری طرف ہماری معصوم بیٹیاں اس سڑاند بدبو اور تعفن کے ماحول میں تعلیم حاصل کرنے پر مجبور ہیں۔ سکول کا گیٹ جو کہ علم کا راستہ ہونا چاہئیے وہ اس وقت وبائی امراض کا گڑھ بن چکا ہےانتظامیہ کی یہ غفلت نہ صرف ستھرا پنجاب مہم کے منہ پر طمانچہ ہے بلکہ ننھی طالبات کی صحت کے ساتھ ایک بڑا کھلواڑ بھی ہے۔ڈپٹی کمشنر سیالکوٹ صباء اصغر علی شہری آپ سے سوال کرتے ہیں کہ اس سنگین صورتحال پر آپ کی یہ خاموشی کیوں ہے کیا ہماری بیٹیوں کی صحت اور تعلیم آپ کی ترجیحات میں شامل نہیں ہے۔شہری وزیرِ اعلیٰ پنجاب مریم نواز اور متعلقہ اداروں سے پرزور مطالبہ کرتے ہیں کہ اس صورتحال کا فوری نوٹس لیا جائے اور مذکورہ گرلز سکول کے باہر سے اس گندگی کو فوری ہٹا کر ذمہ داران کے خلاف سخت کارروائی کی جائے۔