اسلام آباد+بیجنگ:نائب وزیراعظم اور وزیر خارجہ اسحاق ڈار نے چینی وزیر خارجہ وانگ ژی سے ٹیلی فونک رابطہ کیا، جس میں خطے کی صورتِ حال، ایران اور امریکا کے درمیان کشیدگی اور پاکستان کی سفارتی کوششوں پر تبادلہ خیال کیا گیا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Foreign Minister of the People’s Republic of China, Wang Yi.
The two leaders exchanged in-depth views on recent regional developments and Pakistan’s ongoing efforts to facilitate… pic.twitter.com/MUXVisOIY2
— Ministry of Foreign Affairs – Pakistan (@ForeignOfficePk) May 12, 2026
منگل کے روز نائب وزیراعظم اور وزیر خارجہ اسحاق ڈار نے چین کے وزیر خارجہ وانگ ژی سے ٹیلی فون پر گفتگو کی، جس میں حالیہ علاقائی صورتِ حال اور ایران و امریکا کے درمیان رابطوں سے متعلق امور پر تفصیلی تبادلہ خیال کیا گیا۔
دونوں رہنماؤں نے خطے اور اس سے باہر پائیدار امن و استحکام کے فروغ کے لیے پاکستان کی جاری سفارتی کوششوں پر گفتگو کی، جن کا مقصد ایران اور امریکا کے درمیان رابطوں کو سہولت فراہم کرنا ہے۔
چینی وزیر خارجہ وانگ ژی نے پاکستان کے تعمیری ثالثی کردار کو سراہتے ہوئے اس کی حمایت کا اعادہ کیا۔
گفتگو کے دوران دونوں جانب سے ایران اور امریکا کے درمیان دیرپا سیز فائر برقرار رکھنے کی اہمیت پر زور دیا گیا، جب کہ آبنائے ہرمز سے جہازوں کی معمول کے مطابق آمدورفت یقینی بنانے پر بھی اتفاق کیا گیا۔
اس موقع پر پاکستان اور چین کے درمیان سفارتی تعلقات کے 75 سال مکمل ہونے کے حوالے سے تقریبات، اعلیٰ سطح کے تبادلوں اور دوطرفہ و کثیرالجہتی تعاون سے متعلق امور پر بھی بات چیت ہوئی۔
دونوں ممالک نے باہمی دلچسپی کے تمام امور پر قریبی رابطے برقرار رکھنے پر اتفاق کیا۔