لاہور:پنجاب میں بے روزگاری کی شرح میں تقریباً 80 فیصد اضافہ ہو جانے کا انکشاف، ملک کے سب سے بڑے صوبے میں بے روزگاری سے متعلق سامنے آنے والے تازہ ترین اعداد و شمار نے پنجاب میں ترقی کے دعووں کی قلعی کھول دی۔ تازہ اعداد وشمار کے مطابق پنجاب میں بے روزگاری کی شرح میں اضافہ ریکارڈ کیا گیا ہے اور یہ بڑھ کر 7․13 فیصد تک پہنچ گئی ہے، جس پر متعلقہ حلقوں میں تشویش کا اظہار کیا جا رہا ہے۔
رپورٹ میں بتایا گیا ہے کہ مالی سال 2020-21 میں صوبے میں بے روزگاری کی شرح 6․7 فیصد تھی جو مالی سال 2024-25 تک بڑھ کر 7․13 فیصد ہو گئی، یعنی گزشتہ چار برسوں کے دوران تقریباً 80 فیصد اضافہ ہوا۔ رپورٹ میں یہ بھی واضح کیا گیا ہے کہ صوبے میں لیبر فورس میں مسلسل اضافہ ہو رہا ہے، تاہم نئی ملازمتوں کی فراہمی کی رفتار کم ہونے کے سبب روزگار کا مسئلہ شدت اختیار کر رہا ہے۔