وفاقی آئینی عدالت کا حارث اسٹیل مل ریفرنس ختم کرنے پر نیب کو نوٹس جاری

اسلام آباد :وفاقی آئینی عدالت نے حارث سٹیل مل ریفرنس ختم کرنے کیخلاف درخواست پر نیب کو نوٹس جاری کردیا،عدالت نے فریقین کو آئندہ سماعت تک سٹیٹس برقرار رکھنے کی ہدایت کی۔
دنیا نیوز کے مطابق وکیل بینک نے کہاکہ جعلی دستاویزات سے قرض حاصل کیا گیا، جسٹس حسن اظہر رضوی نے کہا ہے کہ پہلے احتیاط نہیں کی جاتی، وقوعہ کے بعد جاگتے ہیں، کیا اس وقت دستاویزات کو کراس چیک نہیں کیا جاتا تھا؟وکیل بینک نے کہاکہ فراڈ قرض کی صورت میں کیا گیا، جسٹس عامر فاروق نے کہاکہ کیس میں مرکزی نکتہ نیب فیصلے کو چیلنج کرنے کاہے،نیب نے اضافی دستاویزات جمع کرانے کی استدعاکر دی،کیس کی مزید سماعت عدالتی تعطیلات کے بعد ہوگی۔