چنیوٹ (بیورورپووٹ)
وزیراعلی پنجاب مریم نواز شریف کا چنیوٹ کے باسیوں کے لئے شعبہ ٹرانسپورٹ میں تحفہ،چنیوٹ میں الیکٹرو بس سروس کا افتتاح کردیا گیا۔وزیر اعلی پنجاب مریم نواز شریف نے ویڈیو لنک کے ذریعہ سروس کا افتتاح کیا،افتتاحی تقریب میں ڈپٹی کمشنر عائشہ رضوان ، ڈی پی او ڈاکٹر نوید عاطف، اراکین اسمبلی مولانا الیاس چنیوٹی، ثاقب خان چدھڑ ،ٹکٹ ہولڈر سید رضا شاہ بخاری ، ایڈیشنل ڈپٹی کمشنرز محمد احمر علی ، واثق عباس ہرل ، ممبر پنجاب بار ، اور چوہدری مسعود اقبال ، تاجران ، میڈیا نمائندگان اوردیگر نے شرکت کی ، یہ بسیں چنیوٹ سے لالیاں ،چنیوٹ سے بھوانہ ،لالیاں سے بھوآنہ اور چنیوٹ سے پل ڈینگڑو اور لاہور روڈ کو سروس فراہم کریں گی۔ بس سروس صبح 5 بجے سے رات 10 بجے تک میسر ہو گی۔بس میں 5 سال تک کے بچے مفت سفر کر سکیں گے۔ہر سواری کے لئے یکطرفہ روٹ کی ٹکٹ 20 روپے ہوگی۔وزیراعلی پنجاب مریم نواز شریف صاحبہ کی طرف سے افتتاح کے بعد 3 دن تک مفت سفری سہولت میسر ہوگی