قصور میں گانے چلا کر نہانے والے ٹک ٹاکر پر مقدمہ درج ،گرفتار،فواد چودہری کادلچسپ ردعمل

اسلام آباد :قصور میں سڑک پر غیر اخلاقی گانے بلند آواز میں چلا کر ٹک ٹاک ویڈیو بنانے والے ٹک ٹاکر کی گرفتاری پر سابق وفاقی وزیر فواد چوہدری نے طنزیہ ردِعمل دے دیا۔ سماجی رابطے کی ویب سائٹ ایکس (سابق ٹوئٹر) پر اپنے بیان میں فواد چوہدری نے سوال اٹھایا کہ اگر نہاتے ہوئے یا ناچتے ہوئے ویڈیوز بنانا جرم ہے تو اس منطق کے تحت ملک بھر میں ہزاروں افراد کو گرفتار کرنا پڑے گا۔
انہوں نے کہا کہ قانون کا اطلاق مذاق نہیں بننا چاہیے اور اصل جرائم کو چھوڑ کر اس طرح کے اقدامات ریاستی ترجیحات پر سوالیہ نشان ہیں۔ فواد چوہدری کے اس بیان کے بعد سوشل میڈیا پر ایک نئی بحث چھڑ گئی ہے، جہاں صارفین آزادیٔ اظہار، اخلاقیات اور قانون کے یکساں اطلاق پر سوال اٹھا رہے ہیں۔