اسلام آباد :ٹرانسفر ججز کیس میں نیا موڑ ، اسلام آباد ہائیکورٹ کے 5 ججز کا وفاقی آئینی عدالت میں متفرق درخواست دائر کرنے کا فیصلہ
27 ویں ترمیم کے خلاف اسلام آباد ہائیکورٹ کے 4 ججز نے درخواست دی جو سپریم کورٹ نے وصول نہیں کی کہ یہ آئینی عدالت کا دائرہ اختیار ہے اب ٹرانسفر ججز معاملے میں بھی ہائیکورٹ کے 5 ججز نے درخواست وفاقی آئینی عدالت دائر کرنے کا فیصلہ کیا ہے جس میں کہا گیا ہے کہ ٹرانسفر ججز اپیل سپریم کورٹ کو واپس بھیجی جائے ۔
اسلام آباد ہائیکورٹ کے چار ججز نے سپریم کورٹ میں درخواست دائر کی تھی تاہم سپریم کورٹ عملے نے درخواست موصول کرنے سے انکار کردیا۔ سپریم کورٹ عملے نے موقف اختیار کیا کہ آئینی درخواست دائر کرنے کا فورم اب وفاقی آئینی عدالت ہے۔
درخواست دائر کرنے والوں میں جسٹس محسن کیانی،جسٹس بابر ستار، جسٹس سردار اعجاز اسحاق اور جسٹس ثمن رفعت شامل ہیں درخواست میں استدعا کی گئی ہے کہ 27ویں ترمیم کے متعدد سیکشنز آئین کے آرٹیکلز 9 اور 25 کے خلاف قرار دیے جائیں،26ویں اور 27ویں ترامیم کو عدلیہ کی آزادی اور اختیارات کے تقسیم کے اصول کیخلاف قرار دیا جائے،قرار دیا جائے کہ پارلیمان آرٹیکلز 238 اور 239 کے تحت آئین کی بنیادی ساخت میں تبدیلی کا اختیار نہیں رکھتی،جوڈیشل کمیشن اور سپریم جوڈیشل کونسل کی ازسرنو تشکیل عدالتی دائرہ اختیار کیخلاف قرار دی جائے۔