لاہور: (حافظ نعیم سے )وزیراعلیٰ پنجاب مریم نواز کا کہنا ہے کہ صوبے بھر میں امن وامان کی صورتحال کنٹرول میں ہے، انتشار کی اجازت نہیں دی جائے گی۔
وزیراعلیٰ پنجاب مریم نواز سے اسپیکر پنجاب اسمبلی ملک احمد خان نے ملاقات کی جس دوران صوبے کی مجموعی سیاسی و انتظامی صورتحال پر تبادلہ خیال کیا گیا ۔ قانون سازی کے مراحل اور ایوان کی کارروائی سے متعلق تفصیلی گفتگو ہوئی۔ صوبے بھر میں امن وامان کی صورتحال خراب کرنے والوں سے سختی سے نمٹنے پر اتفاق رائے کیا گیا۔
اسپیکر پنجاب اسمبلی ملک احمد خان نے کاروبار میں آسانی کے لئے ای بز متعارف کرانے پر وزیر اعلی مریم نواز کو خراج تحسین پیش کرتے ہوئے ۔ صوبے میں امن و امان کی بہتری پر پنجاب کی عوام کی طرف سے وزیراعلیٰ مریم نواز سے اظہار تشکر کیا۔
وزیراعلیٰ پنجاب نے اسپیکر کو اسمبلی کے امور حکومتی اور سب کو ساتھ لیکر چلنے کی روش پر شاباش دی ۔ کہا کہ صوبے کی تاریخ میں پہلی بار ہر بڑا پراجیکٹ چھوٹے شہروں سے شروع کررہے ہیں ۔ پنجاب میں کاروبار کا بہترین پوٹینشل موجود ہے ۔ سرمایہ کاروں کو فائد اٹھانا چاہیے۔