استنبول :استنبول میں پاکستان اور افغان طالبان کے مذاکرات کےتیسرےرائونڈ کے تیسرے دن مذاکرات 18 گھنٹے تک جاری رہے،اس دوران افغان طالبان کے وفد نے متعدد بار پاکستان کے خوارج ( ٹی ٹی پی) اور دہشت گردی کے خلاف مصدقہ اور یقینی کارروائی کے منطقی اور جائز مطالبے سے اتفاق کیا۔
ذرائع کے مطابق میزبانوں کی موجودگی میں بھی افغان وفد نے اس مرکزی مسئلے کو تسلیم کیاتاہم ہر مرتبہ کابل سے ملنے والی ہدایات کے باعث افغان طالبان کے وفد کا مؤقف بدل جاتا، مذاکرات کے دوران کابل سے ملنے والے غیر منطقی اور نا جائز مشورے ہی بات چیت کے بے نتیجہ رہنے کے ذمہ دار ہیں تاہم پاکستان اور میزبان انتہائی مدبرانہ اور سنجیدہ طریقے سے اب بھی ان پیچیدہ معاملات کو حل کرنا چاہتے ہیں۔
ذرائع کے مطابق اب بھی ایک آخری کوشش جاری ہےکہ باوجود طالبان کی ہٹ دھرمی کے کسی طرح اس معاملے کو منطق اور بات چیت سے حل کر لیا جائے اور مذاکرات ایک آخری دور کی جانب بڑھ رہے ہیں۔