لاہور :(حافظ نعیم سے ) ہزیراعلیٰ پنجاب مریم نواز کی طرف سے ستھرا پنجاب کے 1 لکھ ورکرز کو راشن کارڈ دینے کا اعلان۔۔۔۔ ورکرز کو راشن کارڈ میں مریم نواز کی طرف سے ہر مہینے تین ہزار روپے ملیں گے۔یہ پیکج ماہانہ تنخواہ کے علاوہ ہو گا۔
وزیراعلیٰ پنجاب مریم نواز شریف نے کہا کہ کچھ لوگ پنجاب کی ترقی سے جلتے ہیں، ان کے دماغوں کی بھی صفائی کر دی جو پنجاب کی ترقی سے جلتے ہیں، بڑا غصہ آتا ہے ان کو کہ مریم پنجاب کی بات کرتی ہے، میں پنجاب کی بات نہیں کروں گی تو کون کرے گا؟وزیراعلیٰ مریم نواز شریف نے پنجاب میں نئےسینی ٹیشن فلیٹ کی نقاب کشائی کر دی.
تقریب سے خطاب کرتے ہوئے مریم نواز کا کہنا تھا کہ ستھرا پنجاب کے ہیروز کو سلام پیش کرتی ہوں. ستھرا پنجاب پروگرام میں شرکت میرے لیے اعزاز ہے۔مریم نواز شریف نے کہا کہ ستھرا پنجاب پروگرام کی جیکٹ پہننا میرے لیے قابل فخر ہے. اگر پولیس کی وردی پہن سکتی ہوں تو ستھرا پنجاب کی کیوں نہیں. ستھرا پنجاب کے ہیروز ہماری ٹیم کا اہم حصہ ہیں. ستھرا پنجاب کی ٹیم نے صوبے کے چپے چپے کو صاف کیا. علاقوں کو چمکا دیا، میرا سر فخر سے بلند ہے۔انہوں نے کہا کہ صوبے میں جہاں بھی جاتی ہوں.ستھراپنجاب کے ہیروز کو دیکھ کر خوشی ہوتی ہے.
ستھرا پنجاب کے ورکرز کو دیکھ کر لگ رہا ہے یہ میرے فیملی ممبرز ہیں، پنجاب بھرمیں صفائی پروگرام کامیابی سے جاری ہے. پنجاب کے چھوٹے شہروں اور دیہات میں بھی صفائی کی جا رہی ہے۔مریم نواز کا کہنا تھا کہ سیلاب زدہ علاقوں میں ستھرا پنجاب کے ورکرز نے بہترین کام کیا. ستھرا پنجاب کی ٹیم نے میرے خواب کو پورا کیا، اتنی خوشی مجھے کسی تقریب میں نہیں ہوئی جتنی آج ہوئی، جب شہبازشریف کی حکومت ختم ہوئی تو پنجاب کی صفائی نہیں ہو رہی تھی۔وزیراعلیٰ پنجاب نے کہا کہ صوبہ میں صفائی کا کوئی نظام نہیں تھا. گوگی، پنکی کے دورمیں پنجاب میں تباہی آئی. تبدیلی کے دعوے داروں کے دور میں ہر طرف گندگی کے ڈھیر تھے. آج ستھرا پنجاب کی ٹیم میں ڈیڑھ لاکھ کی فورس ہے. اب پنجاب کے ہر شہر میں اپنی سٹیٹ آف دی آرٹ مشینری ہے۔
انہوں نے کہا کہ وہ خواب جو ایک سال پہلے دیکھا تھا آج حقیقت بن کر سامنے بیٹھا ہے. پہلے پنجاب کے دیہات پر کسی نے توجہ نہیں دی تھی.اب پنجاب کے ہر گاؤں میں صفائی ہو رہی ہے. بیٹیاں آتی ہیں تو گھروں کی صفائی کرتی اور گھروں کو سجاتی ہیں۔
مریم نواز شریف نے کہا کہ وزیراعظم شہبازشریف مجھے جب ملتے ہیں تو شاباش دیتے ہیں. وہ خواب جو ایک سال پہلے دیکھا تھا آج حقیقت بن کر سامنے آچکا ہے. آج پنجاب بھر میں دیہات کے لیول پر صفائی کی جا رہی ہے۔انہوں نے کہا کہ پنجاب میں پہلے کرائم بہت زیادہ تھا.اب کئی شہر ایسے ہیں جہاں کرائم زیرو ہے، پنجاب میں جرائم اور کوڑا کرکٹ کی بھی صفائی کر دی. میں خیبرپختونخوا، سندھ، بلوچستان کو بھی پنجاب کی طرح صاف دیکھنا چاہتی ہوں. گلی، محلے گندے ہیں تو اپنی اپنی حکومتوں سے سوال کرو۔
کسی نے مجھ سے پوچھا کہ میں نے یہ وردی کیوں پہنی ہے تو میں نے کہا کہ میں اگر پولیس کی وردی، کمانڈو کی وردی پہن سکتی ہوں تو ستھرا پنجاب کی کیوں نہیں۔ اور آج مجھے یہ وردی پہن کے بہت خوشی محسوس ہورہی ہے۔ستھرا پنجاب مہم نے پنجاب کو ایک نئی پہچان دی ہے، جہاں صفائی اور نظم و ضبط پہلی ترجیح بن گئی ہے۔35 ہزار مشینری، ڈیڑھ لاکھ ورکر کے ساتھ ستھرا پنجاب دنیا کا سب سے بڑا صفائی کا پروگرام ہے