بہاول نگر: (حافظ نعیم سے )وزیراعلی پنجاب مریم نوازشریف بہاولنگر پہنچ گئیں، سکول کا دورہ ،بچوں میں گھل مل گئیں۔
وزیراعلیٰ پنجاب مریم نواز شریف سے ملنے پر معصوم بچوں نے اظہارمسرت کیا جبکہ بچوں نے وزیر اعلیٰ مریم نواز شریف کو پینسل سے بنے سکچ پیش کئےوزیراعلیٰ مریم نواز شریف نے سیلاب متاثرہ خواتین اور بچوں کو تحائف پیش کیے۔وزیر اعلیٰ مریم نواز شریف نے فلڈ ریلیف کیمپ عارضی ہسپتال میں داخل مریضوں کی عیادت کی اور تحائف پیش کئے۔
وزیراعلی مریم نوازشریف کو بہاولنگر کے ٹیکنیکل کالج میں قائم فلڈ ریلیف کیمپ میں بہاولنگر میں سیلابی ریلے سے پیدا ہونے والی صورتحال کے بارے میں تفصیلی بریفنگ دی گئی اورریسکیو اور ریلیف آپریشن کے بارے آگاہ کیا گیا۔وزیراعلیٰ پنجاب مریم نواز شریف کو ڈی جی پی ڈی ایم اے اور ڈی سی بہاولنگر نے بریفنگ دیتے ہوئے بتایا کہ سیلاب سے بہاولنگر کے 26یونین کونسل متاثر،ایک لاکھ سے زائد آبادی متاثرہوئی۔ سیلاب متاثرہ علاقوں سے بروقت آبادی کا محفوظ انخلایقینی بنایا گیا جبکہ سیلاب متاثرین کے لئے 20فلڈ ریلیف کیمپ قائم کئے گئے سیلاب متاثرین کے لئے ہیلتھ کاؤنٹر بنائے گئے کلینک آن ویل، موبائل ہیلتھ یونٹ اورمصروف کار۔ ہیں جن میں 40ہزار سے زائد سیلاب متاثرین کا علاج کیا گیا۔ بریفنگ میں وزیراعلی مریم نواز شریف کو بتایا گیا کہ سیلاب متاثرہ علاقوں سے مویشی بھی محفوظ مقام پر منتقل کئے گئے جبکہ ان مویشیوں کے لئے سیلاب متاثر ہ علاقوں میں 10کلو کے 15795بیگ فراہم،1198سائلیج،399ٹن بھوسہ توڑی فراہم کی گئی۔
سیلاب کی آمد کے پیش نظر منہ کھر کی بیماری کے سدباب کے لئے 37لاکھ70ہزار چھوٹے بڑے جانوروں کی ویکسی نیشن کی گئی ہے اور منہ کھر کی بیماری سے بچاؤ کے لئے 5ملحقہ اضلاع سے بفر زون قائم، کردئے گئے ہیں ۔
دریں اثنا وزیر اعلیٰ مریم نواز شریف نے فلڈ ریلیف کیمپ میں پیدا ہونے والے بچوں کے والدین سے ملاقات کی انہیں مبارکباد اور بہت سی دعائیں دیں۔
یادرہے فلڈریلیف کیمپ میں پیدا ہونے والے بچے کا نام نواز شریف اور بچی کا نام مریم رکھا گیا۔
وزیر اعلیٰ پنجاب مریم نوازشریف کا فلڈریلیف کیمپ میں صنعت زار مرکزکا دورہ کیا جہاں انہوں نے سلائی کڑھائی کرنے والی خواتین سے خوشگوار موڈ میں گفتگو کی ۔وزیر اعلیٰ مریم نوازشریف نے سلائی مشین پر کپڑے کی سلائی بھی کی اور فریم میں لگے کپڑے پر سوئی سے کڑھائی بھی کی۔وزیر اعلیٰ مریم نواز شریف کا سلائی کڑھائی پر خوشی کا اظہار کیا ۔
وزیر اعلیٰ مریم نواز شریف نے فلڈ ریلیف کیمپ میں بچوں اور خواتین کے ساتھ دستر خوان پر کھانا بھی کھایا۔