پشاور (انورزیب خان) جب اعتماد پختہ ہو اور منزل پانے کی جستجو دل میں ہو تو پھر کامیابی خود قدم چومتی ہے۔ سنٹرل جیل پشاور کے سپرنٹنڈنٹ عمیر خان اپنی انتھک محنت اور پیشہ ورانہ صلاحیتوں کی بدولت گریڈ 19 میں ترقی پا گئے ہیں۔
اپنی اس اہم پیشہ ورانہ کامیابی پر اظہارِ خیال کرتے ہوئے سپرنٹنڈنٹ عمیر خان نے کہا کہ یہ ترقی ان کی فیملی اور دوستوں کی دعاؤں کا ثمر ہے۔
دوسری جانب سپرنٹنڈنٹ عمیر خان کو گریڈ 19 میں ترقی پانے پر محکمہ جیل خانہ جات کے افسران، ماتحت عملے اور سماجی و عوامی حلقوں کی جانب سے مبارکباد دینے کا سلسلہ جاری ہے، اور ان کی مزید کامیابیوں کے لیے نیک تمناؤں کا اظہار کیا جا رہا ہے۔

