مری (راشد مغل)
ڈسٹرکٹ بار ایسوسی ایشن مری کے اجلاس میں ڈی پی او مری نے خصوصی شرکت کی۔ اجلاس کے دوران انہوں نے وکلاء برادری کے مسائل تفصیل سے سنے اور ان کے فوری اور ترجیحی بنیادوں پر حل کے لیے ہر ممکن اقدامات کرنے کی یقین دہانی کرائی۔اجلاس کی صدارت صدر ڈسٹرکٹ بار ایسوسی ایشن مری، عمران خان ایڈووکیٹ نے کی، جبکہ اجلاس کی کارروائی جنرل سیکرٹری سردار یاسر یوسف ایڈووکیٹ نے انجام دی۔اس موقع پر ڈسٹرکٹ بار ایسوسی ایشن مری کی ایگزیکٹو کمیٹی کے تمام اراکین، سینئر وکلاء میں محمد نذیر عباسی شبیر محمود ملک جلیل اختر عباسی اسد اقبال عباسی راجہ عبدالرحمن ناصر عباسی ایڈووکیٹس کے علاوہ دیگر ممبران بار نے کثیر تعداد میں شرکت کی۔ شرکاء نے ڈی پی او مری کی آمد کو خوش آئند قرار دیتے ہوئے وکلاء کے مسائل کے حل کے لیے پولیس اور وکلاء کے درمیان باہمی تعاون کو مزید فروغ دینے کی ضرورت پر زور دیا۔