مدرسہ میں بچوں سے بد اخلاقی کرنے والا پیر کا بیٹا زخمی حالت میں گرفتار

سیالکوٹ (سلیم احمد اعوان شیخو)

مدرسہ میں بچوں سے بد اخلاقی کرنے والا پیر کا بیٹا زخمی حالت میں گرفتار ۔بتایا گیا ہے کہ تھانہ علی پور چٹھہ کے علاقہ فتح پور چٹھہ میں پیر چنن شاہ نے اپنے آستانہ پر ایک مدرسہ کھول رکھا ہے اور اس مدرسہ میں پیر چنن شاہ نے دم وغیرہ کرنے کا سلسلہ بھی شروع کر رکھا ہے جبکہ بچے بھی اس مدرسہ میں قرآن پڑھنے آتے ہیں۔ مدرسہ میں مذکورہ پیر کے بیٹے قاری عبداللّٰہ نے مدرسہ میں زیر تعلیم دو کمسن بچوں سے بد اخلاقی کی۔بچوں کے والدین نے مذکورہ قاری کے خلاف مقدمہ درج کروایا تو پولیس قاری عبداللّٰہ کو گرفتار کرنے کے لئے مدرسہ میں گئی تو قاری عبداللّٰہ نے گرفتاری سے بچنے کے لئے فرار ہونے کی کوشش کی تو وہ گر کر زخمی ہوگیا تو پولیس نے اس کو زخمی حالت میں گرفتار کر لیا۔پولیس نے تفتیش شروع کر دی ہے۔