میاں چنوں بینقاب نیوز رپورٹر عاصم کمال
میاں چنوں کے شہریوں کی فریاد، انتظامیہ کب جاگے گی؟
جی ٹی روڈ کی مشرقی سائیڈ، زم زم پٹرول پمپ کے سامنے سیوریج کا نظام مکمل طور پر تباہ ہو چکا ہے۔ گندے پانی نے سڑک کو اپنی لپیٹ میں لے رکھا ہے، جس کے باعث نہ صرف شہریوں کو شدید مشکلات کا سامنا ہے بلکہ قومی شاہراہ جی ٹی روڈ بھی ٹوٹ پھوٹ کا شکار ہونا شروع ہو گئی ہے۔
روزانہ ہزاروں گاڑیاں اس راستے سے گزرتی ہیں، مگر متعلقہ اداروں کی خاموشی لمحۂ فکریہ ہے۔ تعفن، گندگی اور سڑک کی خستہ حالی عوام کے لیے ایک مستقل عذاب بن چکی ہے۔
ہم ڈپٹی کمشنر خانیوال اور کمشنر ملتان ڈویژن سے پرزور مطالبہ کرتے ہیں کہ فوری نوٹس لیا جائے، سیوریج کے مسئلے کو ہنگامی بنیادوں پر حل کیا جائے اور جی ٹی روڈ کو مزید نقصان سے بچایا جائے۔
عوامی مسائل پر خاموشی نہیں، عملی اقدامات کی ضرورت ہے۔