ٹک ٹاکرسامعہ حجاب کو دھمکیاں دینے والا لاہور کانوجوان گرفتار

اسلام آباد :ٹک ٹاکر اور سوشل میڈیا انفلوئنسر سامعہ حجاب  کو  گھر کے سامنے سے اغوا کرنے کی کوشش ۔۔ پرستار نے شادی نہ کرنے پر جان سے مارنے کی دھمکیاں دیں۔ ویڈیو سامنے آنے پر مقدمہ درج ۔ اسلام آباد پولیس نے نوجوان کو گرفتار کرلیا۔

سامعہ حجاب نے  مبینہ طورپر الزام عائد کیا ہے کہ لاہور سے تعلق رکھنے والا ایک نوجوان حسن رضا گزشتہ دو، تین ماہ سے انہیں جان سے مارنے کی دھمکیاں دے رہا ہے۔

سامعہ نے اپنے انسٹاگرام پر ایک ویڈیو پیغام پوسٹ کیا جس میں وہ اپنے فالوورز سے مدد کی اپیل کر رہی ہیں۔’گزشتہ شام زاہد میرے گھر کے باہر آیا اور مجھے زبردستی ساتھ لے جانے کی کوشش کی۔
ان کا مزید کہنا تھا اس سے قبل میری دوست ثنا یوسف کے ساتھ بھی ایسا واقعہ پیش آ چکا ہے۔ میں ثنا نہیں بننا چاہتی اور ان لڑکیوں میں شامل نہیں ہونا چاہتی جو اپنے لیے آواز نہ اٹھا سکیں۔
اسلام آباد کے تھانہ شالیمار میں سامعہ حجاب کی درخواست پر واقعے کا مقدمہ درج کر لیا گیا ہے۔
ایف آئی آر کے مطابق سامعہ نے الزام عائد کیا کہ ملزم حسن زاہد کئی روز سے ان کا تعاقب کرتا رہا، بار بار تحائف دے کر دباؤ ڈالا گیا، اور 31 اگست شام ساڑھے 6 بجے گھر کے باہر زبردستی ساتھ لے جانے کی کوشش کی گئی۔
ایف آئی آر میں یہ بھی لکھا گیا کہ ملزم نے کھلے عام بدلہ لینے اور جان سے مارنے کی دھمکیاں دی ہیں۔
سامعہ نے واقعے کی سی سی ٹی وی فوٹیج اور ویڈیو بیان پولیس کے حوالے کر دیے ہیں جس کے بعد پولیس نے مقدمہ درج کر کے تفتیش شروع کر دی اور متعلقہ نوجوان کو گرفتار کرلیا ہے۔