آئی جی پی خیبرپختونخوا نے شہید کے بلند درجات کیلئے فاتحہ خوانی کی اور اہلخانہ سے تعزیت کی
کوہاٹ انورزیب خان
۔
انسپکٹر جنرل آف پولیس خیبر پختونخوا ذوالفقار حمید کی کوہاٹ پولیس لائنز مسجد دھماکے میں شہید ایس پی اکبر شنواری کے گھر آمد، ..آئی جی پی خیبرپختونخوا نے شہید کے بلند درجات کیلئے فاتحہ خوانی کی اور اہلخانہ سے تعزیت کی، شہدائے پولیس ہمارا فخر اور انکے اہلخانہ ہمارا خاندان ہیں، کسی طور تنہا نہیں چھوڑیں گے۔ آئی جی پی شہداء کے خون کا کوئی قطرہ رائیگاں نہیں جائے گا، امن دشمنوں کا خاتمہ کر کے دم لیں گے۔\
آئی جی پی انسپکٹر جنرل آف پولیس خیبر پختونخوا ذوالفقار آج کوہاٹ لائنز مسجد پر حملے میں شہید ایس پی ٹریفک اکبر خان شنواری کی رہائش گاہ واقع لونڈ خوڑ مردان گئے۔ انہوں نے شہید کے اہلخانہ سے ملاقات کی، ان سے تعزیت کی اور ہر قسم کے تعاون کا یقین دلایا۔
آئی جی پی خیبر پختونخوا نے شہید کے اہلخانہ سے ملاقات کی، ان کے ساتھ دلی ہمدردی کا اظہار کیا اور شہید کے بلندیِ درجات کے لیے فاتحہ خوانی کی۔ انہوں نے کہا کہ شہید اکبر خان شنواری نے فرض کی ادائیگی اور پولیس کے مقدس مشن کی تکمیل میں اپنی جان کا نذرانہ پیش کرکے ایک عظیم مثال قائم کی ہے۔ انہوں نے مزید کہا کہ شہداء کی قربانیاں محکمہ پولیس اور پوری قوم کے لیے باعثِ فخر ہیں۔
آئی جی پی ذوالفقار حمید نے کہا کہ خیبر پختونخوا پولیس کے بہادر افسران اور جوانوں نے قیامِ امن کے لیے لازوال قربانیاں دی ہیں۔ انہوں نے کہا کہ پولیس فورس اپنے شہداء کی قربانیوں کو ہمیشہ یاد رکھے گی اور ان کے اہلخانہ کو کبھی تنہا نہیں چھوڑے گی۔اس موقع پر آئی جی پی نے شہید کے اہلخانہ کے صبر و استقامت کے لیے دعا کی اور شہید کے درجات کی بلندی کے لیے خصوصی دعا بھی کی۔