واشنگٹن ڈی سی :وائٹ ہاؤس نے امریکی صدر ڈونلڈ ٹرمپ سے متعلق مواد نشر کرنے کے لیے ’ٹرمپ ٹی وی‘ کے نام سے 24 گھنٹے چلنے والا اسٹریمنگ پلیٹ فارم شروع کردیا ہے۔ اس پلیٹ فارم پر ٹرمپ کی سابقہ تقاریر، اہم اعلانات، عوامی تقریبات کی ویڈیوز اور موجودہ انتظامیہ سے متعلق تازہ معلومات نشر کی جائیں گی۔
Launched.
All the top hits, wins, + more. Streaming 24/7 on your phone or tv.
📺 https://t.co/3KwWkBZ69m pic.twitter.com/oIPfUA0Np9
— The White House (@WhiteHouse) September 22, 2026
وائٹ ہاؤس کے سرکاری ایکس اکاؤنٹ پر پلیٹ فارم کے آغاز کا اعلان کرتے ہوئے کہا گیا کہ ’ٹرمپ ٹی وی‘ براہِ راست شروع ہوچکا ہے اور اسے 24 گھنٹے چلایا جائے گا۔ بیان کے مطابق پلیٹ فارم پر ٹرمپ کے ماضی کے اہم لمحات، اعلانات اور انتظامیہ کی تازہ ترین سرگرمیاں ایک ہی جگہ دستیاب ہوں گی۔
پلیٹ فارم کے آغاز کے موقع پر وائٹ ہاؤس نے ٹرمپ کی سابقہ عوامی تقریبات اور تقاریر کی ویڈیوز نشر کیں، جن میں جنوری 2025 میں امریکا کے 47ویں صدر کی حیثیت سے ان کی حلف برداری کی تقریب بھی شامل تھی۔