چنیوٹ (فرحان بلال سے)
صدر ہیومن رائٹس اینڈ ویلفیئر کونسل (رجسٹرڈ) چنیوٹ حاجی شوکت علی آزاد ایڈووکیٹ، صدر یونین آف جرنلسٹس ڈاکٹر خالد یاسین، راجہ ریاض احمد خان اور چوہدری شاہد وقار سلارہ نے چنیوٹ فیصل آباد روڈ پر عوام کو درپیش سفری مشکلات پر شدید تشویش کا اظہار کرتے ہوئے کہا ہے کہ سڑک بننے کے باوجود شہری آج بھی خستہ حال اور غیر معیاری گاڑیوں میں سفر کرنے پر مجبور ہیں انہوں نے نے کہا کہ عوام بہتر، محفوظ اور باعزت سفری سہولیات کے حق دار ہیں۔ سوال یہ ہے کہ ان خستہ حال گاڑیوں کو فٹنس سرٹیفکیٹ کون جاری کرتا ہے؟ عوام کو جو خامیاں صاف نظر آتی ہیں، متعلقہ افسران کو وہ کیوں دکھائی نہیں دیتیں انہوں نے کہا کہ عوام کے صبر کا مزید امتحان نہ لیا جائے، متعلقہ ادارے فوری طور پر چنیوٹ فیصل آباد روڈ پر چلنے والی گاڑیوں کی فٹنس اور حالت کا معائنہ کریں اور ناقص گاڑیوں کے خلاف بلاامتیاز کارروائی عمل میں لائیں عوام کی خدمت کے دعوے کرنے والے ممبران اسمبلی کے لیے یہ ایک کھلا چیلنج ہے کہ چنیوٹ فیصل آباد روڈ کے مسافروں کے مسائل کا مستقل اور عملی حل آخر کب فراہم کیا جائے گا کون بنے گا میرے شہر کا مسیحا یہ سوال آج ہر شہری کی زبان پر ہے