خوشاب(راجہ نورالہی عاطف سے)
ڈسٹرکٹ سکاؤٹ سیکرٹری خوشاب ملک محمد خالد راہداری کی قیادت میں گورنمنٹ ایلیمنٹری سکول فار بوائز ظفرآباد، رنگپور بگھور کے سکاؤٹس گھوڑا گلی مری میں منعقدہ سکاؤٹ کیمپ میں شرکت کے لیے روانہ ہو گئے۔سکول ہٰذا کے سکاؤٹس ملک محمد خالد ندیم راہداری، رانا غلام شبیر اور علی خان بلوچ کی نگرانی میں کیمپ میں شرکت کر رہے ہیں۔ اس موقع پر اسسٹنٹ ایجوکیشن آفیسر رنگپور بگھور ملک محمد امتیاز نسیم اور ادارے کے ہیڈ ماسٹر ملک عابد اقبال نے میڈیا کو بتایا کہ مری میں منعقدہ ہفت روزہ سکاؤٹ کیمپ کے دوران گورنمنٹ ایلیمنٹری سکول ظفرآباد رنگپور بگھور کے سکاؤٹس مختلف صوبائی سطح کی سکاؤٹ سرگرمیوں میں حصہ لیں گے۔
انہوں نے اس امید کا اظہار کیا کہ سکاؤٹس کیمپ کے دوران اپنی صلاحیتوں کا بھرپور مظاہرہ کرتے ہوئے ادارے اور ضلع خوشاب کا نام روشن کریں گے۔