بلوچستان رحمت اللہ بلوچ بیوروچیف بے نقاب نیوز)5
اگست 2019 کے غیرقانونی بھارتی اقدامات عالمی قوانین اور اقوامِ متحدہ کی سلامتی کونسل کی قراردادوں کی صریح خلاف ورزی ہیں،وزیر اعلی بلوچستان میر سرفراز بگٹی
یومِ استحصالِ کشمیر کشمیری عوام پر ڈھائے جانے والے مظالم اور انسانی حقوق کی مسلسل خلاف ورزیوں کی یاد دلاتا ہے،بلوچستان کے عوام اپنے کشمیری بھائیوں اور بہنوں کی حقِ خودارادیت کی جدوجہد میں ان کے شانہ بشانہ کھڑے ہیں، پاکستان کشمیری عوام کے حقِ خودارادیت کی ہر سطح پر سیاسی، سفارتی اور اخلاقی حمایت جاری رکھے گا،مسئلہ کشمیر کا اقوامِ متحدہ کی قراردادوں اور کشمیری عوام کی امنگوں کے مطابق منصفانہ حل ہی جنوبی ایشیا میں پائیدار امن کی ضمانت ہے، کشمیری عوام کی استقامت، قربانیوں اور آزادی کی جدوجہد کو خراجِ تحسین پیش کرتے ہیں، عالمی برادری مقبوضہ جموں و کشمیر میں انسانی حقوق کی خلاف ورزیوں کا نوٹس لے اور کشمیری عوام کو ان کا بنیادی حق دلانے کے لیے مؤثر کردار ادا کرے، بلوچستان کے عوام کشمیری عوام کے ساتھ اپنی غیرمتزلزل یکجہتی کا اعادہ کرتے ہیں اور ان کی جدوجہد کی کامیابی تک ان کے ساتھ کھڑے رہیں گے،